Maayong pag-abot og salamat sa pagbisitas sa Ambot lang 2.0 ang bag-ong payag sa batang buotan.
About Ambot lang! 1.0.
Wa ka ba nasaag? Nasaag ka man o wala, mainiton ko ikaw’ng gitimbaya sa pag-abot ning akong gamay’ng payag. Ako ang imong ubos nga higala, si batang buotan.
Kinsa si batang buotan? Usahay makaingon ko nga ako usa bata nga nagpuyo sa lawas sa tiguwang. Makapangutana sab ko, dili kaha ako usa ka anghel nga mikaug sa yuta? Ako na kaha ang manlulunda nga gipaabot sa mga dautan ug mga buotan? Ambot lang!
Hinoon dunay nagduda nga ako usa ka iro nga nagtakuban sa pagka-iring. Pero kung iro ko nganong mutuktugaok man ko? Tingali ako usa ka niwang nga elepante. Ambot lang!
Dili ko sigurado kung ako matinud-anon ba o bakakon. Kung ako mosulti nga sa tinuod nga ako buotan, daghan ang moingon nga ako usa ka bakakong hambugero; kung ako moingon nga ako dautan, daghan sab ang mosulti nga ako buotan. Unsa man gyod diay? Ambot lang!
Sa kalibutan nga puno sa kalipay, kalami, ug kasakit, adunay usa ka kalag nga nagsiga ang mata nga kanunay moingon – ambot lang! Ako kana, ang batang buotan.
(Ayaw lang tuo kung wa ka magdali)
Ambot lang! 
4 responses to “About”
Pilay edad sa langaw…sugilon pa sa ok-ok. Lingaw ang imong gipangsulat. padayon, igsoon…hangtud may ikasuka pa…aron lang maistorya ang atong istorya. YATI RA…
cool. ur soo cool. i’ll follow you.
Bai,
Akung ge share imung blogpost sa akung profile sa http://www.AksyonRadyoCebu.com
Interesting man ni imung mga post hehehe pure bisaya.
Pwede sad ka mo apil sa amung pondok, kasagaran mga OFW na gi mingaw sa mga bisayang pinolongan. Kung ganahan ka.
Padayun sa imung paghatag ug lingaw sa atung mga igsoon na cebuano.
God Bless
Ernest
Panahon na sab siguro sa pagpanumbalay kay morag taud-taud nang sukad makasuroy dinhi. Sumala pa sa akong mga nabasa apil na dinhi ang mga langaw nga pulag lubot, libring manikyuk, pedikyur, ug ubang matang sa pakulo blues, sa ulahi ang maingon ko lang AMBOT LANG!
Malipayong Pasko 2009. Balik na lang siguro sa umaabot nga bag-ong tuig.